人生第一次寫專欄，似乎人生又一樣成就解鎖。我見好多寫專欄嘅人都會寫低一啲對社會生活嘅感受，所以我今次都會分享一個故仔比大家睇，一個我認為我親手殺死婆婆嘅故事。
大概喺讀緊中六𠴱陣，屋企人帶我去老人院探我阿婆，嗰陣我覺得好麻煩，去到又無野做，有咩好探姐？加上我仲要忙緊學校考試，所以每次我都黑口黑臉咁去探我阿婆。而我阿婆每次見到我都會問我發生咩事，係咪讀書壓力好大。我都會發悔氣唔出聲，有時呢個舉動令到屋企人忍唔住話我。
每次探阿婆，都聽到阿婆同屋企人呻對腳好痛，又成日瞓唔到，覺得好辛苦。雖然屋企人將呢個情況話咗比院舍嘅職員聽，但人老咗，身體變差係一定，所以都無可奈何。唯一叫阿婆多啲出去做下運動，同其他老友記傾下計玩下。
但阿婆一句：「我行步路都要用呢個助行架!我仲點出去！」之後愈講愈激動，眼淚一直湧出嚟。通常我見到咁我都會好心酸，心中嗰股怨氣都慢慢消失，開始同情婆婆。
婆婆好鐘意叫我分享學校嘅事比佢聽，我就話我係學校行山學會會長，成日同班同學周圍行山周圍去。我好記得阿婆捉住我隻手，話佢以前年輕時侯成日都通山跑，如今雙腳開始唔靈活，令佢十分痛苦，佢好希望佢有生之年可以再行一次山。
（點圖繼續睇全文）
人生第一個專欄
比個故仔比大家睇止止癮先，多多支持比like同按入去睇。
Search